Jańalanǵan pedagog platformasında mamanlıq kategoriyasın (tikkeley, gezektegi májbúriy hám gezekten tısqarı) alıw ushın múrájat jollaw procesine bir qatar ózgerisler kirgizildi. Bul haqqında “Tálim qadaǵalawı” Telegram-kanalı xabar berdi.

Tómendegi maǵlıwmatlar múrájat jiberiw procesinde platformada tek ǵana integraciya arqalı qáliplestiriledi:
• Mámleketlik hám mámleketlik emes mektepke shekemgi bilimlendiriw mákemesinde jumıs alıp barıp atırǵan pedagoglardıń maǵlıwmatları “Balalar baqshası” málimleme sistemasında bar ekenligi;
• Mámleketlik hám mámleketlik emes ulıwma bilim beriw mekteplerinde jumıs alıp barıp atırǵan pedagoglardıń maǵlıwmatları “ERP Mektep” málimleme sistemasında bar ekenligi;
• Joqarı hám orta arnawlı maǵlıwmatqa iye pedagoglardıń diplom maǵlıwmatları “Diplom Edu” málimleme sistemasında bar ekenligi;
• Barlıq pedagoglardıń jumıs stajı boyınsha maǵlıwmatlar “BMMS” málimleme sistemasında bar ekenligi.
Bul maǵlıwmatlar kórsetilgen málimleme sistemalarında bar bolsa ǵana múrájat jiberiw múmkin boladı.
“Húrmetli pedagoglar mamanlıq kategoriyası boyınsha múrájat jollawdan aldın óz maǵlıwmatlarıńızdı tekseriwińizdi soraymız,”-delinedi xabarda,-dep málimleme beredi xs.uz saytı.

Qaraqalpaqstan xabar agentligi