Huqıqıy múnásibet

Hámmemizge belgili, xızmetker jumıstan bosaǵanda xızmetker menen esap-sanaq etiliwi kerek. Bul nızamshılıǵımızda kórsetip qoyılǵan.
Bul boyınsha Tashkent mámleketlik yuridikalıq universiteti Yuridikalıq klinikasınıń xızmetkeri Imomali Tuev tómendegishe túsinik berdi:
– Miynet kodeksiniń 172-statyasına bola, esap-sanaq xızmetkerge aqırına shekem alınbaǵan miynet haqısın beriwde, xızmetker tárepinen paydalanılmaǵan barlıq tiykarǵı hám qosımsha dem alıslar ushın kompensaciya tólewde qollanıladı.
Sonday-aq, eger miynet haqqındaǵı nızamshılıqta yamasa miynet haqqındaǵı basqa huqıqıy hújjetlerde yamasa miynet shártnamasında basqa tólemlerdi tólew názerde tutılǵan bolsa, usı tólemlerdi tólewdi óz ishine aladı.
Miynet kodeksiniń 234-statyasına bola, miynet shártnaması biykar etilgende xızmetkerge barlıq paydalanılmaǵan hár jılǵı tiykarǵı hám qosımsha miynet dem alısları ushın pullı kompensaciya tólenedi.
Miynet kodeksiniń 254-statyasına bola, miynet shártnaması biykar etilgende jumıs beriwshiden xızmetkerge beriliwi kerek bolǵan barlıq summalardı tólew xızmetker menen dúzilgen miynet shártnaması biykar etilgen kúni ámelge asırıladı.
Juwmaqlap aytatuǵın bolsaq, xızmetker jumıstan bosatılıwı múnásibeti menen miynet haqısınıń tólenbegen bólegi hám paydalanılmaǵan dem alıslar ushın kompensaciyalardı alıwı múmkin boladı.

Gulnoza Boboeva, ÓzA