Daniya milliy pochta operatorı “Post Nord” sanlastırıwǵa ótiw procesinde qaǵaz xat jetkerip beriwdi pútkilley sheklemekshi. Bul haqqında DR teleradiokompaniyası xabar tarqatqan.

“Post Nord” bul mámlekettiń 401 jıllıq tariyxqa iye milliy pochta xızmeti esaplanadı. Endi bul mákeme tiykarǵı itibardı xat emes, jóneltpe jetkerip beriwge qaratpaqshı.
Bildiriwde operator xat jiberiw xızmetine talap tómenlegenin atap ótken. 2000-jılı kompaniya 1,5 milliard xattı mánziline jetkergen. Házir bolsa bul san tek ǵana 100 milliondı quraydı. Sebebi, kópshilik daniyalılar sanlı baylanısqa ótken.
Patshalıqta endigiden bılay qaǵazda jazılǵan xattı iyesine jetkeriw tek ǵana jeke menshik kompaniya arqalı ámelge asırıladı.
Daniya boylap barlıq pochta qutıları alıp taslanadı.

S.Rahimov, ÓzA