Jańa jıl bayramı insanlardı jaqsı arzıw-niyetler hám jańa úmitler menen birlestiretuǵın qutlı áyyyamlardan esaplanadı. Sonlıqtan usı bayram qarsańında jer júziniń kópshilik jerlerinde dúnya xalıqları bir-birine jaqsı tilekler aytıp, bayram sawǵaların inam etedi. Bul ájayıp kórinislerdi biziń elimiz aymaqlarında da ayqın kóriwimizge boladı.

Bayram múnásibeti menen Taxtakópir rayonlıq Mádeniyat orayı janında bayramǵa say bezelgen shırsha átirapında «Prezident shırshası» atamasında bayram keshesi shólkemlestirildi.
Ilajda rayon hákiminiń birinshi orınbasarı K.Dáwletov aymaq xalqın elimizge kirip kiyatırǵan Jańa jıl menen qutlıqlap, hámmege óziniń eń jaqsı tileklerin bildirdi hám bir topar balalarǵa bayram sawǵaların tapsırdı.
Bayram baǵdarlaması dawamında kewilashar oyınlar, saxnalıq kórinisler, kewilli qosıqlar hám tamashalar kórsetilip, bul qatnasıwshılarǵa kóterińki keypiyat baǵıshladı.

Adilbay Orazov,
Qaraqalpaqstan xabar agentligi sholıwshısı.