Onda usı jılı unamlı jetiskenlikleri menen emes, al qátelikleri hám ersi tárepleri menen belgili bolǵan belgili siyasatshılar hám joybarlar atap ótilgen.

Jeńimpazlar arasında Franciya burınǵı prezidenti Nikolya Sarkozi da bar, ol qamaqtaǵı 20 kúni haqqında eske túsiriwler kitabın basıp shıǵarǵannan soń qamaqxanadaǵı “tatıwlıǵı” ushın “Al Kapone” sıylıǵın alǵan.
Jasalma intellektten eń jaman paydalanǵanı ushın beriletuǵın sıylıqqa irlandiyalı siyasatshı Ketrin Konnoli hám AQSh prezidenti Donald Tramp múnásip kórildi. Olar pikir-talaslar hám sınlarǵa sebep bolǵan ádettegidey emes xabarları hám JI videoları menen jámiyetshilikke kúlki boldı.
Evropa Komissiyası basshısı Ursula fon der Lyayen Tramptıń tarif siyasatın jumsartıwǵa urınıwları nátiyjesiz bolǵanı ushın “Eń bolmasa urınıp kórdińiz” sıylıǵına miyasar boldı.
Italiyadaǵı Messina buǵazı kópiri joybarı bolsa hesh qashan ámelge aspaytuǵın úlken ideya sıpatında “Titanik” sıylıǵın qolǵa kirgizdi.
“Politico” sonday-aq, Bryusseldiń Shuman aylanba jolına Evropa Awqamınıń uzaq dawam etken infrastrukturalıq joybarlarınıń simvolına aylanǵan sheksiz ońlaw jumısları ushın ayrıqsha “Dejavyu” sıylıǵın múnásip kórdi.
Redaktorlar bul antisıylıqlar siyasiy jıl tek ǵana qararları emes, al ǵalabalıq qáteleri menen de este qalatuǵının ironiya menen esletiw ushın xızmet etetuǵının atap ótken.

S.Rahimov, ÓzA