Ózbekstan Respublikası Mádeniyat ministrligi janındaǵı Kinematografiya agentligine qaraslı “Ózbekfilm” kinokoncerniniń Mámleketlik unitar kárxanası shólkemlestirilgeniniń 100 jıllıǵına baǵıshlanǵan saltanatlı bayram ilajı bolıp ótti.

Bul ilajda respublikamızda jumıs alıp barıp atırǵan jetekshi kino dóretiwshileri, “Ózbekfilm” kinokoncerninde miynet etip atırǵan taraw xızmetkerleri, belgili aktyor hám aktrisalar, sonday-aq, ózbek kinosınıń rawajlanıwına múnásip úles qosqan veteran dóretiwshiler qatnastı.
Bayram ilajında Ózbekstan Kino ǵayratkerleri dóretiwshilik awqamınıń baslıǵı Matyoqub Matchonov, Ózbekstan Respublikası Mádeniyat ministrligi janındaǵı Kinematografiya agentligi direktorınıń keńesgóyi Sayfulla Rajabov hám “Ózbekfilm” kinokoncerniniń direktorı Bahodir Muhammedov keyingi jıllarda mámleketimiz basshısınıń milliy kinematografiyanı rawajlandırıw baǵdarındaǵı iygilikli baslamaları kinoshılardı jáne de kóbirek ilham hám ǵayrat penen dóretiwshilikke iytermelep atırǵanın atap ótti. Kino sheberlerimiz tárepinen jaratılǵan kóplegen filmler xalıqaralıq kinofestivallarda tabısqa erisip atırǵanı atap ótildi.
Ilaj dawamında Kinematografiya agentligi direktorınıń buyrıǵına tiykarlanıp, tarawda uzaq jıllar nátiyjeli jumıs alıp barǵan bir topar kinodóretiwshiler “Kinematografiya pidayısı” kókirek belgisi menen sıylıqlandı.
Bul tán alıw olardıń milliy kino kórkem óneriniń rawajlanıwına qosqan múnásip úlesiniń ayqın kórinisi boldı.
Saltanatlı ilaj bayram keypiyatında, payızlı ortalıqta hám kóterińki keypiyatta ótti hám qatnasıwshılarda umıtılmas tásirler qaldırdı.

N.Usmonova, ÓzA