Jańa jıl bayramı aldınan Nókis qalasındaǵı Botanika baǵı mákan puqaralar jıyınınıń imaratı paydalanıwǵa tapsırıldı.

Ashılıw máresiminde Qaraqalpaqstan Respublikası Joqarǵı Keńesiniń komitet baslıǵı Sh.Ótemisov, Ózbekstan máhálleleri awqamı Qaraqalpaqstan Respublikası basqarmasınıń baslıǵı S.Turmanov, Nókis qalası hákimi A.Daniyarov, sonday-aq, keń jámiyetshilik wákilleri, máhálle belsendileri hám nuraniyler qatnastı.
Jańa imarat “Moynaq LDSP” JShJ tárepinen qurıp pitkerilip, onıń qurılıs jumıslarına Qaraqalpaqstan Respublikası jergilikli byudjetinen jámi 378 million sum qarjı ajıratıldı.
Jańa imarat aymaq xalqına sapalı xızmet kórsetiw, puqaralardıń múrájatları menen islesiw hám jámiyetshiliktiń belsendiligin arttırıwǵa xızmet etetuǵını menen áhmiyetli.

Qaraqalpaqstan xabar agentligi.