Mámleketimiz basshısı Múrájatında keyingi jıldan “Sanlı startaplar” baǵdarlaması keńeytilip, startap ideyasınan eksportqa shekem járdemlesetuǵın jańa sistema jolǵa qoyılatuǵının atap ótti. Bul processte jeke menshik startap orayların shólkemlestiriw ushın Jaslar qorınan bes jıl múddetke 5 milliard sumǵa shekem procentsiz ssuda beriledi.

Bunnan tısqarı, Oraylıq bankte Fintex ofisi hám Innovaciyalıq xab shólkemlestirilip, oǵan Singapurdan qánigeler tartıladı. Nátiyjede jılına 15-20 fintex startaptı sırtqı bazarǵa alıp shıǵıw, olarǵa jámi 1 milliard dollar investiciya tartıw imkaniyatı jaratıladı.
Ulıwma, venchur fondlar, startaplar, fintex sıyaqlı jańa finanslıq instrumentler bazarın rawajlandırıw, bul tarawdaǵı barlıq qatnasıwshılardıń huqıqların nızam menen kepillep qoyıw zárúr ekenligi atap ótildi.
Prezidentimiz parlamentti Húkimet penen birgelikte “Alternativ investiciya qorları haqqında”ǵı nızamdı islep shıǵıwǵa shaqırdı.

ÓzA