Jáne bir iri joybar – Almalıq kombinatında bahası 2 milliard 700 million dollar, quwatlılıǵı 300 mıń tonna mıs katodınan ibarat bolǵan jańa metallurgiya kompleksin qurıw baslanadı.

“Samarqand ximiya” zavodında 381 million dollar investiciya esabınan jılına 370 mıń tonna fosforlı hám 540 mıń tonna quramalı tóginler islep shıǵarıw jolǵa qoyıladı.
Qashqadáryada 200 million dollarlıq ximiya zavodınıń qurılısı baslanadı. Bul turmıslıq ximiya, polimer, sintetikalıq janılǵı ushın jılına 50 mıń tonna alkilbenzol ónimin alıw imkaniyatın beredi.
Ulıwma, 2026-jılı ximiya sanaatında 4,5 milliard dollarlıq, taw-kán metallurgiya, neft-gaz, avtomobil qurılısı, toqımashılıq hám qurılıs materialları tarmaqlarınıń hár birinde 3 milliard dollardan, elektrotexnikada 2 milliard dollarlıq, farmacevtikada 800 million dollarlıq jańa joybarlar baslanadı.
Usı tárizde 2026-jılı jámi eksport 40 milliard dollarǵa jetkerilip, tayar hám yarım tayar ónimniń úlesi 55 procentten arttırıladı.

ÓzA