Mámleketimiz basshısınıń Oliy Majlis hám xalqımızǵa Múrájatı dawam etpekte.

Usı maqsette 2026-jıl 1-yanvardan baslap qosımsha qun salıǵınan túsimniń Tashkent qalasında 5 procenti, qalǵan aymaqlarda 20 procenti qaldırılıp, bul qarjınıń yarımı rayonlardıń byudjetine ótkeriledi.
Bunnan tısqarı, dáramatlardıń prognozǵa salıstırǵanda arttırıp orınlanǵan bóleginiń 50 procenti, egislik jerlerdi ijaraǵa beriw hám bazarlardan túsimler de tolıq rayon byudjetine beriledi.
Wálayat, rayon hákimlerine nátiyjesiz hám bir-birin tákirarlaytuǵın shtat birliklerin qısqartıp, únemlengen qarjını xalıqtıń arasında qoyǵan máselelerdi sheshiw ushın ajıratıwǵa ruqsat beriledi.
Bul arqalı rayonlardıń byudjetinde 5 trillion sumlıq qosımsha dárek qáliplesedi hám ol máhállelerdiń infrastrukturasın jaqsılawǵa jumsaladı.

ÓzA