Mámleketimiz basshısınıń Oliy Majlis hám xalqımızǵa Múrájatı dawam etpekte.

Talantlı ul-qızlarımız bilimlendiriw, ilim, mádeniyat, kórkem óner, sport hám basqa da tarawlarda erisip atırǵan úlken tabısları menen de Jańa Ózbekstanımızdıń rawajlanıwına múnásip úles qosıp atırǵanı atap ótildi.
Oqıwshı hám studentlerimiz bıyılǵı jılı xalıqaralıq pán olimpiadalarında 51 altın, 101 gúmis, 126 qola medalın qolǵa kirgizip, óz bilim hám potencialın pútkil dúnyaǵa kórsetti.
Bizge belgili, Ózbekstan kelesi jılı 46-Pútkiljáhán shaxmat olimpiadasına, 2027-jılı 20 jasqa shekemgi futbolshılar arasındaǵı jáhán chempionatına, 2029-jılı bolsa Jaslar Aziya oyınların óz jerinde ótkeredi.
Sonıń menen birge, 2026-jılı elimizde birinshi márte mektep oqıwshıları arasında abıraylı xalıqaralıq ximiya hám informatika olimpiadaları, Shanxay birge islesiw shólkemine aǵza mámleketlerdiń studentleri arasında injenerlik baǵdarlarında, Túrkiy mámleketler texnikumlarınıń oqıwshıları arasında kásiplik baǵdarlarda xalıqaralıq olimpiada ótkeriledi.
Bunday abıraylı ilajlar Watanımızdı rawajlanǵan sport hám ilim mámleketine aylandırıw, onıń abıray-mártebesin arttırıwǵa xızmet etedi.

ÓzA