Múrájatta mámleketimiz basshısı usı jılı 5 million xalıqtıń dáramatlı bolıp, jumıssızlıq dárejesi 5,5 procentten 4,9 procentke túskenin atap ótti. Derlik 1,5 million járdemge mútáj xalıq kámbaǵallıqtan shıqtı, birinshi márte 1 mıń 435 máhálle “kámbaǵallıqtan jıraq” aymaqqa aylandı.

Kámbaǵal shańaraqlarǵa tiyisli 168 mıń bala mámleketlik baqshalarǵa jeńilletilgen tiykarda qabıl etildi. Usı jıldan baslap 208 baqshaǵa birinshi márte inklyuziv bilimlendiriw sisteması engizildi.
Elimizde kámbaǵallıq dárejesi jıl basındaǵı 8,9 procentten 5,8 procentke tústi.
– Bul jumıslardı baslaǵanımızda xalıqtıń úshten bir bólegi kámbaǵallıq shegarasında jasaytuǵın edi. Kredit, subsidiya, kompensaciya sıyaqlı 100 den aslam xızmetler arqalı sociallıq qorǵawdıń pútkilley jańa sistemasın jolǵa qoyǵanımız hám olardı máhálledegi “jetilik”tiń ózine bergenimiz nátiyjesinde 8,5 millionnan aslam adam kámbaǵallıqtan shıqtı, jumıssızlıq 2 esege qısqardı.
Nátiyjede úsh jıl aldın kámbaǵallıqtı 2026-jıldıń aqırına shekem 2 esege qısqartıw boyınsha qoyǵan maqsetimizge usı jıldıń ózinde eristik, – dedi Prezidentimiz.

ÓzA