Mámleketimiz basshısınıń Oliy Majlis hám xalqımızǵa Múrájatı dawam etpekte.

Prezidentimiz óziniń bayanatında xalıqtıń abadanlıǵı hám biznestiń ósiwine xızmet etetuǵın infrastrukturanı bunnan bılay da jaqsılaw boyınsha da 2025-jıl úlken ózgerisler jılı bolǵanın atap ótti.
Atap aytqanda, energetika tarawında túpkilikli burılıs jasalǵanı esabınan elektr islep shıǵarıw kólemi 85 milliard kilovatt-saatqa jetkerildi.
Bıyıl 188 máhálledegi 715 mıń xalıq jasaytuǵın shańaraqlarǵa birinshi márte taza ishimlik suwı kirip bardı, jáne 2 million 300 mıńǵa shamalas xalıqtıń suw támiynatı jaqsılandı. Yamasa 867 “awır” máhálledegi 470 mıń shańaraqqa qıytaq jerlerdi suwǵarıw ushın birinshi márte suw jetip bardı.
Usı jılı xalıqqa 8 million 100 mıń kvadrat metr kóp qabatlı turaq jaylar tapsırılmaqta, adamlardıń ózi de jasaw sharayatın jaqsılaw ushın 19 million kvadrat metr maydanda qurılıs alıp barıldı.
Biznes wákilleri tárepinen 24 million kvadrat metr turaq jay emes obektler qurıldı.
Ulıwma, sońǵı toǵız jılda 210 million kvadrat metr turaq jay hám turaq jay emes obektler paydalanıwǵa tapsırıldı.

ÓzA