Prezident Shavkat Mirziyoevtiń Oliy Majliske hám kóp milletli xalqımızǵa Múrájatı dawam etpekte.

– Búgin dúnyada júz berip atırǵan hám jaqın-jaqınǵa shekem hesh kim kóz aldına keltire almaǵan ózgerisler, mámleketler arasında ekonomikalıq qarama-qarsılıq, qáwipsizlikke qáter artıp baratırǵan qáweterli bir jaǵdayda sizler menen oǵada qıyın jıldı juwmaqlap atırmız, – dedi Prezidentimiz.
Qanshelli awır bolmasın, baslanǵan demokratiyalıq reformalar isenimli dawam ettirilgeni, xalqımızdıń qollap-quwatlawı hám jaslarımızdıń kúsh-ǵayratı, awızbirshiliktiń tiykarı bolǵan máhálleniń turmısımızdaǵı ornı hám tásiri kúsheytilgeni, adamlardıń sana-sezimi hám kózqarası ózgerip, el-jurtımız jáne de birleskeni, isbilermen, diyqan hám fermerlerdiń intakerligi hám mártlik miyneti, óz-ara paydalı birge islesiwge tiykarlanǵan doslıq sırtqı siyasat esabınan 2025-jılı barlıq tarawlarda úlken jetiskenliklerge erisildi.
Bárinen burın, dúnya kóleminde óndiris hám transport-logistika shınjırları úzilgen, shiyki zat hám qarjı resurslarınıń bahası artqan sharayatta da mámleketimiz ekonomikası isenimli hám turaqlı ósiwdi dawam ettirmekte.
Bul nátiyjeler dúnya jámiyetshiligi hám abıraylı xalıqaralıq shólkemler tárepinen tán alınbaqta.

ÓzA