22-25-dekabr kúnleri Sırdárya wálayatınıń Gúlistan qalasında sporttıń Mexanikalıq eskek esiw túrinen Ózbekstan kubogi bolıp ótti.

Onda Nókis Olimpiya hám paralimpiya sport túrlerine tayarlaw orayı sportshıları da qatnasıp, 6 altın, 2 gúmis hám 3 qola medalın jeńip aldı.
Atap aytqanda, Aydana Smetullaeva 2 altın, Aysanem Farxadova 2 altın, 1 gúmis, Zayfuna Baxıtbaeva 1 altın, Muxadas Ibrayımova 1 altın, 1 qola, Aysulıw Abdualieva 1 gúmis, 1 qola hám Dametken Begimova 1 qola medalların qolǵa kirgizdi.
Jeńimpaz sportshılardı jarısqa Bahadır Dáwletiyarov, Aynura Ilyasova, Jadıra Kojakovalar tayarladı.

Adilbay Orazov,
Qaraqalpaqstan xabar agentligi sholıwshısı