Sanlı texnologiyalar ministri Sherzod Shermatov Saudiya Arabstanı Patshalıǵınıń Ózbekstandaǵı Ayrıqsha hám tolıq huqıqlı elshisi Yusuf al-Utaybiy menen ushırasıw ótkerdi.

Ushırasıwda Ózbekstan hám Saudiya Arabstanı arasındaǵı eki tárepleme birge islesiw jańa basqıshqa kóterilgeni atap ótildi. Mámleket basshıları arasındaǵı óz-ara isenim hám jaqın baylanıs málimleme texnologiyaları tarawında birgeliktegi joybarlardı jedel rawajlandırıwǵa xızmet etip atırǵanı atap ótildi.
Tárepler DataVolt kompaniyası tárepinen mámleketimizde qurılıp atırǵan “jasıl” maǵlıwmatlar orayı joybarınıń házirgi jaǵdayı hám onıń kelesi basqıshları haqqında pikirlesti.
Sonday-aq, Saudiya Arabstanında jumıs alıp barıp atırǵan kompaniyalardı Ózbekstan bazarına tartıw, aralıqtan xızmetler eksportın keńeytiw hám IT Park imkaniyatlarınan nátiyjeli paydalanıw máseleleri dodalandı.
Ushırasıw juwmaǵında tárepler kadrlar tayarlaw, birgeliktegi seminar hám treninglerdi shólkemlestiriw arqalı birge islesiwdi jáne de bekkemlew áhmiyetli ekenin atap ótti.

Nigora Rahmonova, ÓzA