Jıl dawamında ótkerilgen «Bilimliler báygisi» intellektuallıq televiktorina oyınları óz juwmaǵına jetti.

Oǵada qızıqlı ótkerilgen televiktorina oyınlarınıń juwmaqlawshı basqıshında Kegeyli rayonı komandası birinshi orındı iyelewge miyasar boldı.
Sıylı ekinshi hám úshinshi orınlar Nókis hám Taxtakópir rayonları komandalarına nesip etti.
Ótkerilgen jarıs juwmaǵında, jeńimpaz komandalar Qaraqalpaqstan Respublikası Mektepke shekemgi hám mektep bilimlendiriw ministrligi tárepinen diplom hám estelik sawǵalar menen sıylıqlandı.
Sonday-aq, birinshi orındı iyelegen Kegeyli rayonı komandasınıń oqıwshıları bolsa, shet elge baratuǵın bilimlendiriw sayaxatına jollamanı qolǵa kirgizdi.

Adilbay Orazov,
Qaraqalpaqstan xabar agentligi sholıwshısı