Májbúriy orınlaw byurosı Nókis rayonı bóliminiń is júrgiziwinde Nókis rayonında jaylasqan, qarızdar “Max Service Gaz” JShJdan jámi 2,6 milliard sumnan artıq salıq qarızdarlıǵın óndiriw haqqındaǵı Qaraqalpaqstan Respublikası Salıq basqarmasınıń qararı shıǵarılǵan.

Bólim mámleketlik orınlawshısı tárepinen qarızdarǵa usı qarardıń orınlanıwın támiyinlew ushın 15 kúnlik ıqtıyarıy múddet berilip, sud qararınıń orınlanıwın támiyinlemew aqıbetleri túsindirilgen.
Soǵan qaramastan, qarızdar tárepinen orınlaw hújjetiniń talabı ıqtıyarlı túrde orınlanbaǵanlıǵı sebepli, onıń atında anıqlanǵan metan quyıw shaqapshası tiyisli tártipte xatlawǵa alınǵan.
Xatlanǵan múlk jámi 7 milliard 656,5 million sumǵa bahalanıp, elektron onlayn-aukcion sawda maydanshası arqalı satıwǵa shıǵarılǵan.
Bul múlk ótkerilgen aukcion sawdalarında 3 milliard 828 million sumǵa satılıp, satıwdan túsken pul qarjıları qarızdardıń mámleketlik byudjet aldındaǵı qarızdarlıǵın qaplawǵa qaratıldı.

Qaraqalpaqstan xabar agentligi