Gezektegi ekologiyalıq reyd ilajı Qońırat rayonındaǵı Turan mákan puqaralar jıyınında jaylasqan “Balalar muzıka mektebi” aymaǵında ótkerilip, egilgen nállerdiń jaǵdayı tiyisli qánigeler menen birgelikte partiyanıń rayonlıq Keńesi tárepinen úyrenildi.

Mektep átirapına 2025-jıldıń báhár hám gúz máwsiminde 150 nál egilgen. Sonnan 60 túbi miyweli terek, 40 túbi roza, 50 túbi tut nálleri bolıp esaplanadı.
Moynaq rayonında da ekologiyalıq reyd ótkerildi.
Ekologiyalıq partiyanıń Moynaq rayonlıq Keńesi tárepinen Aral mákan puqaralar jıyını aymaǵında gezektegi ekoreyd shólkemlestirilip, ilaj dawamında máhálle aymaǵında egilgen nállerdiń jaǵdayı, “Jasıl mákan” baǵdarlaması sheńberinde alıp barılǵan ilajlar úyrenildi.
Usı jıldıń báhár máwsiminde aymaqta 100 túp sayamanlı terek nálleri egildi. Házirgi kúnde rayonlıq abadanlastırıw bólimi tárepinen nállerdi tárbiyalaw boyınsha arnawlı xızmetkerler biriktirilgen hám olar gúzgi-qısqı máwsimge tayarlıq jumısların ámelge asırmaqta.
Júzege kelgen jaǵday boyınsha dodalawlar alıp barılıp, zárúr usınıslar berildi.

Qaraqalpaqstan xabar agentligi