Sanlı texnologiyalar ministri Sherzod Shermatov Yaponiya ishki isler hám kommunikaciyalar ministri Yoshimasa Xayashi menen ushırastı.

Ushırasıw dawamında Ózbekstan hám Yaponiya arasındaǵı birge islesiw qatnasıqların bunnan bılay da rawajlandırıw hám onı jańa basqıshqa alıp shıǵıw máseleleri dodalandı. Tárepler sanlı texnologiyalar, telekommunikaciya hám kadrlar potencialın arttırıw baǵdarlarında óz-ara birge islesiwdi keńeytiwge ayrıqsha itibar qarattı.
Atap aytqanda, ministr Sh.Shermatov Ózbekstandı yapon kompaniyaları ushın perspektivalı autsorsing orayı sıpatında alǵa qoyıw áhmiyetli ekenligin atap ótti. Sonday-aq, usı jıldıń may ayında Tokio qalasında IT Park’tiń birinshi sırt el filialı ashılǵanı bul baǵdardaǵı ámeliy qádemlerden biri ekeni atap ótildi. Bul filial eki mámleket arasındaǵı MT tarawındaǵı birge islesiwdi bekkemlew, yapon kompaniyaların Ózbekstan bazarına tartıw jáne birgeliktegi joybarlardı ámelge asırıwǵa xızmet etetuǵını atap ótildi.
Sonıń menen birge, Xalıqaralıq elektr baylanıs awqamınıń 2026-jılı bolıp ótetuǵın konferenciyası sheńberinde óz-ara qollap-quwatlaw máseleleri de dodalandı.
Ushırasıw juwmaqlarına bola, tárepler eki mámleket arasındaǵı strategiyalıq birge islesiwdi jáne de tereńlestiriwge tayar ekenin bildirdi.

Nigora Rahmonova, ÓzA