Ózbekstan Respublikası Prezidenti Shavkat Mirziyoev Tokio qalasına rásmiy saparı sheńberinde Yaponiya Parlamentiniń Wákiller palatasınıń spikeri Fukushiro Nukaga menen ushırasıw ótkerdi.

Ózbekstan – Yaponiya strategiyalıq sherikligin jáne de bekkemlew hám kóp qırlı, sonıń ishinde, parlamentleraralıq birge islesiwdi keńeytiw máseleleri kórip shıǵıldı.
Eki mámleket parlament delegaciyaları arasındaǵı óz-ara sapar etiw hám ushırasıwlar jedel tús alǵanı úlken qanaatlanıwshılıq penen atap ótildi. Parlamentlerde doslıq toparları jedel jumıs alıp barmaqta. May ayında Tokioda gezektegi parlamentleraralıq forum tabıslı ótkerildi.
Parlamentlerdiń komitetleri, xalıq deputatları jergilikli keńesleri hám Yaponiya prefekturalarınıń assambleyaları arasında birge islesiwdi ornatıw, sonday-aq, sanlı texnologiyalar hám jasalma intellekt tarawında nızam dóretiwshiligi boyınsha tájiriybe almasıw áhmiyetli ekenligi atap ótildi.

ÓzA