Sońǵı jıllarda zaman talabına juwap beretuǵın mektepler hám mektepke shekemgi bilimlendiriw shólkeminiń imaratların qurıw áhmiyetli wazıypaǵa aylanǵan.

Atap aytqanda, 2025-jıl dawamında Beruniy rayonı Mektepke shekemgi hám mektep bilimlendiriwi bólimine qaraslı bilimlendiriw shólkemlerinde barlıq baǵdarlamalar sheńberinde 1 mektep hám 4 mektepke shekemgi bilimlendiriw shólkemi jańadan qurılǵan bolsa, sonıń esabınan qosımsha jámi 536 oqıwshı ornınan artıq quwatlıqlar jańadan jaratılıp, paydalanıwǵa tapsırıldı.

Tek ǵana usı jılı ajıratılıp atırǵan byudjet qarjıları sheńberinde 2 mektep hám 1 mektepke shekemgi bilimlendiriw shólkemin rekonstrukciyalaw esabınan qosımsha 670 ten aslam orın jaratılıwına erisildi hám sol arqalı bunday máseleler basqıshpa-basqısh sheship barılmaqta.
Bunıń ushın 35 milliard 400 million sum qarjı ajıratılıp, nátiyjede 1 mıń 200 den aslam oqıwshı jaslar hám balalar zamanagóy sharayatlarǵa iye bolǵan bilimlendiriw shólkemleriniń imaratlarında tálim-tárbiya alıwına erisildi.

Qaraqalpaqstan xabar agentligi.