Qaraqalpaqstan Respublikası Bajıxana basqarmasınıń Kontrabandaǵa qarsı gúresiw bólimi xızmetkerleri tárepinen basqa da huqıq qorǵaw uyımları menen birgelikte kúshli tásir etiwshi zatlardıń nızamsız aylanısına shek qoyıldı.

Operativ ilajlar dawamında puqara 60 dana azdırıwshı kofe ónimlerin satıw procesinde toqtatılıp, onıń janınan quramında kúshli tásir etiwshi elementleri bar jámi 480 dana ónimlerdiń bar ekenligi anıqlandı.
Sonday-aq, Nókis qalası Oraylıq diyqan bazarında ótkerilgen ilajda sawda dúkanınan hújjetsiz, sırt elde islep shıǵarılǵan 1417 dana hár qıylı biologiyalıq aktiv qosımshalar hám azdırıwshı kofe ónimleri tabıldı.
Jámi bahası 24 million sumǵa teń bolǵan 1957 dana ónim ayǵaqlı dálil retinde alıp qoyıldı.
Házirgi waqıtta jaǵday boyınsha tergewge shekemgi tekseriw jumısları alıp barılmaqta.

Qaraqalpaqstan xabar agentligi