Búgingi kúnde qorshaǵan ortalıqtı qorǵaw, insan salamatlıǵına unamsız tásir etiwshi faktorlardı azaytıwǵa ayrıqsha itibar qaratıw áhmiyetli máselege aylanbaqta.

Parlamenttiń tómengi palatasınıń májilisinde usı maqsetlerge qaratılǵan nızam joybarı qızǵın dodalandı. Sonıń ishinde, ekologiyalıq taza aymaqlardıń statusın belgilew, plastikalıq ónimlerdiń aylanısın tártipke salıwǵa qaratılǵan nızam joybarı birinshi oqıwda kórip shıǵıldı.
Atap ótilgenindey, bul nızam joybarı ekologiyalıq sistemalardı, tábiyǵıy obektlerdi saqlaw, qásterlep saqlaw hám qorǵawdı kúsheytiw, tábiyǵıy obekt hám komplekslerdiń degradaciyasınıń aldın alıwǵa qaratılǵan.
Nızam joybarında taza aymaq rejimi ámel etetuǵın aymaqlarda ekologiyalıq sistemalardıń turaqlılıǵınıń buzılıwına hám tábiyǵıy landshaftlardıń kórinisiniń ózgeriwine alıp keletuǵın jumıslardı ámelge asırıwdı qadaǵan etiw názerde tutılmaqta. Sonday-aq, tábiyǵıy organikalıq polimer ónimlerden tısqarı bir mártelik plastikalıq ónimlerdiń aylanısta bolıwın sheklew belgilenbekte. Bunnan tısqarı, polietilen polimer plyonkalı paketlerdiń qorshaǵan ortalıqqa tásirin azaytıwǵa qaratılǵan normalar belgilenbekte.
Nızam joybarı elimizde qorshaǵan ortalıqtı qorǵaw hám biokóptúrlilikti saqlaw jáne insan salamatlıǵına unamsız tásir etiwshi faktorlardı azaytıwǵa xızmet etetuǵını ayrıqsha atap ótildi.
Dodalawlardan soń nızam joybarı deputatlar tárepinen birinshi oqıwda qabıl etildi.

ÓzA