Qaraqalpaqstan Respublikası prokurorı Sh.Aminov tárepinen Nókis qalasındaǵı sociallıq taraw obektleri hám oraylıq ıssılıq támiynatınıń qıs máwsimine tayarlıǵı úyrenildi.

Atap aytqanda, “U.Xalmuratov” atındaǵı Respublikalıq kóp tarmaqlı medicina orayında nawqaslarǵa jaratılǵan sharayatlar, máwsimde oraydıń ısıtıw sistemasınıń turaqlı islew imkaniyatı, sazlıǵı hám basqa da máwsimdi zıyansız ótkeriwge qaratılǵan ilajlar úyrenildi.
Bunnan soń, “Kommunallıq ıssılıq orayı” JShJnıń “Kók ózek” MPJ aymaǵında jańadan qurılǵan oraylıq ısıtıw qazanxanasınıń jumısı úyrenilip, xalıqtıń úyleri, kóp qabatlı turaq jaylar hám basqa da obektlerdi ıssılıq energiyası, ıssı suw menen úzliksiz támiyinlewdiń barlıq ilajların kóriw boyınsha juwapkerlerge qatań tapsırmalar berildi.

Qaraqalpaqstan xabar agentligi