“Elektron recept” sistemasın basqıshpa-basqısh engiziw tártibi haqqında”ǵı reje Ádillik ministrliginde mámleketlik dizimnen ótkerildi.

Rejege bola, nawqaslarǵa tayınlanǵan dári-dármaqlar haqqındaǵı maǵlıwmat elektron receptke tikkeley shıpaker tárepinen kirgiziledi hám elektron tastıyıqlaw usılları arqalı tastıyıqlanadı.
Elektron receptke ótkeriletuǵın dári qurallarınıń toparların qáliplestiriw maqsetinde Densawlıqtı saqlaw ministriniń buyrıǵı menen Ekspertler keńesi shólkemlestiriledi.
Recept penen beriletuǵın dári quralların elektron recept tiykarında tayınlawdıń 1-basqıshında tómendegi dári quralları elektron recept tiykarında belgilenedi:
– antibiotikler hám sistemalı tásir etiwshi sintetikalıq antibakterial dári quralları;
– sistemalı tásir etiwshi gormonal dáriler.
Sonday-aq, Densawlıqtı saqlaw ministrligi janında shólkemlestirilgen 1003 qısqa sanlı Call-oray arqalı tósek rejiminde bolǵan hám sozılmalı kesellikke shatılǵan nawqaslar ushın tómendegi imkaniyatlar támiyinlenedi, sonıń ishinde:
– ózleri biriktirilgen shańaraqlıq shıpakerge múrájat etiw;
– emlew kursın dawam ettiriw maqsetinde óz shańaraqlıq shıpakerine (yamasa taraw qánigesine) aralıqtan múrájat etiw arqalı elektron recept alıw,- dep málimleme beredi xabar.uz saytı.

Qaraqalpaqstan xabar agentligi