Oliy Majlistiń Insan huqıqları boyınsha wákili (Ombudsman) tárepinen usı jıldıń noyabr-dekabr aylarında “Teńlik hám húrmet” platforması sheńberinde zorlıqqa ushıraǵan hayal-qızlardı qollap-quwatlaw, olardıń huqıqıy, sociallıq hám psixologiyalıq qorǵalıwın támiyinlewge qaratılǵan ámeliy jumıslar alıp barıldı.

Bul ilajlar Qaraqalpaqstan Respublikası, Ferǵana, Surxandárya, Namangan, Buxara, Xorezm, Samarqand hám Nawayı wálayatlarında shólkemlestirildi. Orınlarda hayal-qızlar ushın mobil “Huqıqıy járdem avtobusı” arqalı mánzilli huqıqıy másláhátler berildi, sociallıq qollap-quwatlaw ilajları belgilendi.
Ilajlar dawamında 80 ge shamalas zorlıqqa ushıraǵan hayal-qızlar menen jeke tártipte jumıs alıp barıldı. Olardıń múrájatları tiykarında huqıqıy túsinikler berildi. Bar jeńillikler hám mámleket tárepinen kórsetiletuǵın járdem ilajları haqqında maǵlıwmatlar jetkerildi.
Ilajlar dawamında 80 ge shamalas zorlıqqa ushıraǵan hayal-qızlar menen jeke tártipte jumıs alıp barıldı. Olardıń múrájatları tiykarında huqıqıy túsinikler berildi. Bar jeńillikler hám mámleket tárepinen kórsetiletuǵın járdem ilajları haqqında maǵlıwmatlar jetkerildi.
Hayal-qızlardıń ruwxıy jaǵdayın turaqlastırıw hám sociallıq beyimlesiwine járdemlesiw maqsetinde professional psixologlar tárepinen óz aldına shınıǵıwlar ótkerildi.
Jumıslar Sociallıq qorǵaw milliy agentligi, shańaraq hám hayal-qızlar basqarmaları, kámbaǵallıqtı qısqartıw hám bántlik uyımları, ishki isler uyımları hám basqa da juwapker strukturalar menen birgelikte ámelge asırıldı.
Zorlıq islegen 2 shaxs penen óz aldına profilaktikalıq jumıs alıp barıw boyınsha ilajlar belgilendi. 2 hayal-qız ózin-ózi bánt etiwi ushın grant tiykarında tigiw mashinaları menen támiyinlendi. 3 hayal-qız jumısqa jaylastırıldı, 2 hayal-qızǵa jumıs usınıs etildi. 3 hayalǵa emleniw ushın medicinalıq jollamalar berildi. 4 hayal-qız kásipke baǵdarlaw baǵdarlamaları boyınsha oqıwǵa jiberildi.

N.Abduraimova, ÓzA