Biraq, bunıń menen sheklenip qalmaw kerek. Zorlıq jaǵdaylarına qarsı operativ ilaj kóriwdiń nátiyjeli sistemasın islep shıǵıw zárúr.

Kóbinese haqıyqıy jaǵday kózge kórinbeydi, kóp nárse jasırıladı. Biz elege shekem statistikanı járiyalawdan, ókpe-giynege ushırawdan, abırayımızdıń tómenlep ketiwinen qorqamız, sın pikirdi qabıl ete almaymız.
Búgin juwapker basshılar menen hayal-qızlar hám balalardıń huqıqların qorǵawdı támiyinlew, olarǵa bolǵan zorlıqqa qarsı gúresiw, erte hámiledarlıq sebepleri hám olardıń aldın alıw ilajları sıyaqlı áhmiyetli máselelerdi dodaladıq.
Barlıq juwapker basshılardı búgingi sóylesiwden tiyisli juwmaq shıǵarıwǵa shaqıraman. Zorlıqtıń hár qanday kórinisine qarsı mawasasız gúres, hayal-qızlar hám balalardıń huqıqları menen máplerin nátiyjeli qorǵaw qurı sózde emes, ámelde kóriniwi kerek.
Insan táǵdiri statistikadan mıń ese áhmiyetlirek.

Qaraqalpaqstan xabar agentligi