Huqıqıy qatnas

“Ishki isler uyımları haqqında”ǵı nızamnıń 8-statyasına tiykarlanıp ishki isler uyımları óz jumısın puqaralardıń huqıqları, erkinlikleri hám nızamlı máplerine ámel etiw jáne usı huqıqlar, erkinlikler hám nızamlı máplerdi húrmet etiw tiykarında ámelge asıradı.
IIB xızmetkeriniń puqara aldındaǵı wazıypası haqqında Tashkent mámleketlik yuridikalıq universiteti Yuridikalıq klinikasınıń xızmetkeri Aygerim Aripbaeva tómendegilerdi málim etti:
– IIB xızmetkerleri puqaralardıń huqıq hám erkinliklerin qorǵawı shárt. Sonday-aq, “Ishki isler uyımları haqqında”ǵı nızamnıń jetinshi bólimine bola, ishki isler uyımı xızmetkeri puqaraǵa múrájat etkende óziniń lawazımın, ataǵın, familiyasın, atın, ákesiniń atın aytıwı kerek.
Sonıń menen birge, puqaranıń talabına bola, xızmet gúwalıǵın kórsetiwi, bunnan keyin múrájat etiwiniń sebebi hám maqsetin málim etiwi shárt.
Demek, IIB xızmetkerleri puqaraǵa múrájat etkeninde dáslep ózlerin tanıstırıwı, soń bolsa múrájat sebebin málim etiwi kerek ekenligi joqarıda keltirilgen nızamnıń 8-statyasında belgilep qoyılǵan.

Gulnoza Boboeva, ÓzA