Húkimet qararı menen (784-san, 11.12.2025 j.) “Isbilermenlik subektlerine subsidiyalar, jeńillikler hám preferenciyalar beriliwin monitoring etiw, olardıń nátiyjeliligin bahalaw jáne tiykarsız alınǵan hám maqsetsiz paydalanılǵan subsidiyalardı qaytarıp alıw tártibi haqqında”ǵı reje tastıyıqlandı. Bul haqqında “Huquqiy axborot” Telegram-kanalı xabar berdi.

Onda aytılıwınsha, bul rejelerge bola, qollap-quwatlaw ilajların usınıwda olardı usınatuǵın shólkem tárepinen isbilermen erisiwi kerek bolǵan anıq maqsetli kórsetkishler belgilenedi.
Isbilermenge subsidiyalar ajıratılıwı «subsidiya.mf.uz» platforması arqalı monitoring etiledi.
Nátiyjelilikti bahalawda dereklerden tómendegi izbe-izlikte paydalanıladı:
• isbilermenniń finanslıq, salıq esabatları;
• tarawlıq uyımlar yaki statistika uyımlarınıń maǵlıwmatları;
• qollap-quwatlaw ilajları nátiyjeleri boyınsha isbilermen tárepinen usınılǵan maǵlıwmatlar.
Nátiyjelilik hár bir isbilermen ushın ekonomikalıq, finanslıq (byudjet) hám sociallıq normalar boyınsha óz aldına bahalanadı.
Isbilermenge berilgen subsidiyalar tómendegi jaǵdaylarda qaytarıladı:
• subsidiya shártnaması (kelisim) boyınsha isbilermen tárepinen erisiliwi kerek bolǵan anıq maqsetli kórsetkishler orınlanbaǵanda;
• qarjılardan maqsetsiz hám nátiyjesiz paydalanılǵanı anıqlanǵanda;
• isbilermen tárepinen tiyisli hújjetler yamasa maǵlıwmatlardı nadurıs yamasa buzıp kórsetiw hám tiykarsız alınǵan jaǵdayları anıqlanǵanda,-dep málimleme beredi xs.uz saytı.

Qaraqalpaqstan xabar agentligi