Usı jıldıń 15-17-dekabr kúnleri Tashkent qalasında Oraylıq Aziya mámleketleri hám Koreya Respublikası parlamentleri basshılarınıń úshinshi májilisi ótkeriledi.

Ilajdıń tiykarǵı maqseti Oraylıq Aziya mámleketleri hám Koreya Respublikası arasında joqarı dárejede erisilgen kelisimlerdiń orınlanıwın támiyinlewge járdemlesiw, parlamentleraralıq sóylesiwdi tereńlestiriw hám óz-ara birge islesiwdi jańa basqıshqa alıp shıǵıwdan ibarat.
“Insan qádiri, sociallıq ádillik hám qorshaǵan ortalıqtı qorǵaw jolındaǵı birge islesiw” temasındaǵı úshinshi májilistiń jalpı májilisi Oraylıq Aziya mámleketleri hám Koreya Respublikası arasındaǵı jaqın keleshekke mólsherlengen regionallıq birge islesiwdiń tiykarǵı baǵdarlarına baǵıshlanadı.
“Ekonomikalıq birge islesiw, sanlı transformaciya hám sanaat: regionlardı rawajlandırıwdıń rawajlanıw jolları” hám “Turaqlı rawajlanıw hám qorshaǵan ortalıqtı qorǵaw: ekologiyalıq baslamalardı ámelge asırıwda parlamentlerdiń roli” temalarında 2 sessiya ótkeriw de rejelestirilgen.
Sonday-aq, parlamentleraralıq komissiyalar hám doslıq toparları aǵzalarınıń qatnasıwındaǵı ushırasıwlarda nızamshılıq tarawındaǵı aldınǵı tájiriybelerdi úyreniw maqsetinde think-tank hám ilimiy toparlardıń wákilleri menen dodalawlar shólkemlestiriw de názerde tutılǵan.
Májilis juwmaqları boyınsha Birgeliktegi deklaraciya qabıl etiw názerde tutılǵan.
Bul formattaǵı birinshi ushırasıw 2023-jıl 19-sentyabrde Seul qalasında, ekinshisi bolsa 2024-jıl 14-oktyabrde Ashxabadta bolıp ótkenin atap ótiw kerek.

Qaraqalpaqstan xabar agentligi