Mámleketimiz basshısınıń “Xalıqtıń salamatlıǵın hám millet genofondın náshebentlik hám narkojınayatshılıqtan nátiyjeli qorǵaw boyınsha kompleksli ilajlar haqqında”ǵı pármanınıń orınlanıwın támiyinlewge ayrıqsha itibar qaratılmaqta.

Narkotikler hám oqatar qurallardı qadaǵalaw agentliginde juwapker ministrlikler hám uyımlar, sonıń ishinde, barlıq huqıq qorǵaw uyımlarınıń juwapker basshıları qatnasıwında ótkerilgen májiliste usı máselege itibar qaratıldı.
Ilajda pármanda belgilengen wazıypalardıń orınlanıwın nátiyjeli shólkemlestiriw, sonıń ishinde, oqatar qurallar aylanısı ústinen mámleketlik qadaǵalaw nátiyjeliligin arttırıw boyınsha shólkemlestiriwshilik ilajlar, uyımlararalıq birge islesiw mexanizmlerin kúsheytiw, tarawdı sapa jaǵınan jańa basqıshqa alıp shıǵıw boyınsha usınıs hám baslamalar kórip shıǵıldı.
Tarawdaǵı bar mashqalalar, olardı saplastırıw jolları, ámeldegi normativlik-huqıqıy hújjetlerdi jetilistiriw zárúrligi hár tárepleme dodalandı.
Májilis juwmaǵında qánigeler tárepinen bildirilgen pikir-usınıslar tiykarında 2026-jılǵa mólsherlengen ámeliy ilajlar baǵdarlamasın islep shıǵıw wazıypası belgilep alındı.
Bul baǵdarlama pármanda názerde tutılǵan tiykarǵı baǵdarlardı kompleksli túrde ámelge asırıw, tarawǵa baylanıslı jumıslardı sistemalı túrde dawam ettiriwge xızmet etedi.

N.Abduraimova,
ÓzA