Májbúriy orınlaw byurosı Tórtkúl rayonlıq bólimi tárepinen sud qararlarınıń orınlanıwın támiyinlew boyınsha jumıslar mámleketimiz basshısı tárepinen alǵa qoyılǵan “Máhálle kesiminde” usılında shólkemlestirilgen bolıp, onda rayondaǵı hár bir máhállege birewden mámleketlik orınlawshı biriktirilgen.

Sol sebepli, Tórtkúl rayonı hákimliginde Májbúriy orınlaw byurosı Tórtkúl rayonı bólimi baslıǵı A.Sarıbaev, Puqaralıq isleri boyınsha Beruniy rayonlar aralıq sudınıń baslıǵı J.Keulimjaev hám rayondaǵı barlıq máhálle baslıqlarınıń qatnasıwında májilis ótkerildi.
Bul ilajdı ótkeriwden maqset, Byuronıń Tórtkúl rayonı bólimi is júrgiziwindegi Puqaralıq isleri boyınsha sudlardıń mámleket paydasına mámleketlik bajılardı óndiriw haqqındaǵı sud qararları boyınsha shıǵarılǵan orınlaw hújjetleriniń orınlanıwın támiyinlew, óndirilgen pul qarjıların mámleketlik byudjetke baǵdarlaw hám sol arqalı xalıqtıń mámleketlik byudjetten alatuǵın hár qıylı túrdegi qarjılarınıń óz waqtında beriliwin támiyinlewge qaratılǵan.
Ilajda máhállelerde jasawshı imkaniyatı bola turıp qarızdarlıqlardı saplastırmaǵan shaxslar menen individual islesiw ámeliyatın jolǵa qoyıw usınısı berilip, usınday shaxslardıń dizimi qáliplestirildi hám berilgen usınıslar máhálle baslıqları tárepinen maqullandı.

Qaraqalpaqstan xabar agentligi