13-dekabr kúni Birlesken Arab Ámirlikleriniń Dubay qalasında ótkerilip atırǵan eresekler arasındaǵı jáhán chempionatınıń final bellesiwleri ótkeriledi.

13 salmaq kategoriyası boyınsha ótkeriletuǵın final bellesiwlerinde Ózbekstan saylandı komandasınıń 6 boksshisi chempionlıq ushın gúres júrgizedi. Qızıq tárepi sonda, finalǵa shıqqan 6 boksshimizdiń barlıq qarsılasları rossiyalı sportshılar bolıp tabıladı.
Atap aytqanda, 51 kg salmaqta Hasanboy Dwsmatov rossiyalı Bayr Batlaev penen, 60 kg da Abdumalik Xalokov Vsevolod Shumkov penen, 67 kg da Asadxwja Mwydinxwjaev Evgeniy Kool penen, 80 kg da Javohir Ummataliev Jambulat Bizamov penen, 92 kg da Twrabek Habibulaev Muslim Gadjimagomedov penen, +92 kg da Arman Maxanov David Surov penen jáhán chempionlıǵı hám 300 mıń AQSh dolları ushın óz-ara bellesedi.
Sonday-aq, erteńgi final bellesiwlerinde Rossiyadan 12, Qazaqstannan 4, Ázerbayjan, Belarus, Tájikstan hám Qırǵızstannan 1 boksshi ringke shıǵadı.

Adilbay Orazov,
Qaraqalpaqstan xabar agentligi sholıwshısı