Usı jıldıń 11-dekabr kúni Oliy Majlis Senatı Baslıǵınıń birinshi orınbasarı Sodiq Safoev Braziliya Federativlik Respublikası sırtqı isler ministriniń orınbasarı Syuzan Kleebank penen ushırastı.

Sóylesiw waqtında Ózbekstan-Braziliya qatnasıqları hám parlamentleraralıq birge islesiwdiń perspektivaları dodalandı.
Ushırasıwda mámleketimizde alıp barılıp atırǵan keń kólemli reformalar, ekonomikalıq rawajlanıw, investiciyalıq ortalıq hám kadrlar potencialı joqarı bahalandı.
Siyasiy másláhátlesiwler, sawda-ekonomikalıq birge islesiw, investiciyalar hám qorshaǵan ortalıqtı qorǵaw tarawındaǵı úylesiw máselelerine ayrıqsha itibar qaratıldı.
Oliy Majliste shólkemlestirilgen Braziliya menen parlamentleraralıq doslıq toparınıń jumısı hám Braziliya parlamentinde Ózbekstan menen doslıq toparın shólkemlestiriw ushın birge islesiw boyınsha pikir alısıldı.
Ushırasıw juwmaǵında parlamentleraralıq birge islesiwdi jáne de jedellestiriw, parlament aǵzaları arasında onlayn ushırasıwlar shólkemlestiriw hám Braziliya Milliy kongressi delegaciyasınıń Ózbekstanǵa saparın shólkemlestiriwge kelisip alındı.

Qaraqalpaqstan xabar agentligi