Málimleme hám sanlı texnologiyalar tarawlarında mámleketlik qadaǵalaw sistemasın jetilistiriw ilajları haqqında”ǵı Prezident qararı qabıl etildi.

Qararǵa bola, Sanlı texnologiyalar ministrligi janındaǵı Málimlemelestiriw hám telekommunikaciyalar tarawında qadaǵalaw inspekciyası tómendegi tarawlarda arnawlı wákillikli mámleketlik uyım etip belgilendi:
– informatizaciyalaw, telekommunikaciyalar, pochta baylanısı, sanlı texnologiyalar tarawlarında mámleketlik qadaǵalawdı ámelge asırıw,
– ǵalaba xabar quralların dizimge alıw hámde olar tárepinen nızamshılıq hújjetleri talaplarına ámel etiliwin monitoring hám qadaǵalaw,
– balalardı olardıń densawlıǵına zıyan keltiretuǵın málimlemeden qorǵaw.
2027-jıl 1-yanvarǵa shekem tómendegi imkaniyatlarǵa iye “Sanlı qadaǵalaw” platforması iske túsiriledi;
– xalıq jasaytuǵın, sonıń ishinde, alıs hám shetki aymaqlardaǵı sanlı texnologiyalar hám telekommunikaciyalar tarawlarında kórsetilip atırǵan xızmetlerdi monitoring etiw;
– málimleme sistemaları, resursları, programmalıq ónimler hám maǵlıwmatlar bazalarında júzege kelgen úzilis yamasa toqtaw jaǵdayı boyınsha tiyisli sharalar kóriw;
– fizikalıq hám yuridikalıq táreplerden kelip túsken múrájatlardıń operativ kórip shıǵılıwın shólkemlestiriw.

ÓzA