Húkimettiń usı jıl 6-dekabrdegi 772-sanlı qararı menen “Awıl xojalıǵı qamsızlandırıw qorı haqqında”ǵı reje tastıyıqlandı.

Reje Awıl xojalıǵı qamsızlandırıw qorınıń statusı, tiykarǵı wazıypaları hám funkciyaları, huqıqları menen minnetlemeleri, Qordıń jumısın basqarıw tártibin belgileydi.
Rejege bola, tómendegiler Qordıń tiykarǵı wazıypaları esaplanadı, sonıń ishinde:
• awıl xojalıǵın qamsızlandırıwdı shólkemlestiriw hám basqarıw;
• qamsızlandırıw hádiysesi júz bergende, awıl xojalıǵı ónimlerin jetistiriwshilerge jetkerilgen zıyannıń bahası awıl xojalıǵı qamsızlandırıw shártnaması sheńberinde tóleniwin támiyinlew.
Qor ózine júklengen wazıypa hám funkciyalardı orınlaw sheńberinde tómendegi huqıqlarǵa iye, sonıń ishinde:
• qamsızlandırıw (qayta qamsızlandırıw) shártnamaların dúziw;
• dáldalshılar, qamsızlandırıw hám qayta qamsızlandırıw brokerleri hám qamsızlandırıw bazarınıń basqa professional qatnasıwshıları menen tiyisli shártnamalar dúziw.
Qordıń jumısı Qordıń basqarıw keńesi tárepinen basqarıladı,- dep málimleme beredi xabar.uz saytı.

Qaraqalpaqstan xabar agentligi