Tiyisli pármanǵa bola, 2026-jıl 1-iyulden baslap basqıshpa-basqısh qadaǵalawshı uyımlar tárepinen usı Pármanda kórsetilgen jaǵdaylar boyınsha isbilermenlik subektlerinde ótkeriletuǵın tekseriwler bodi-kamera járdeminde ámelge asırıladı.

2026-jıl 1-yanvardan:
Import etilgen azıq-awqat ónimleriniń 9 ay dawamında satılmaǵanlıǵı (gósh hám miywe-ovoщlardıń 3 ay) hám bahası BEMniń 500 esesinen artıq bolǵan bul ónimlerdiń qaldıqta turǵanlıǵı jaǵdayı kóshpeli salıq tekseriwin ótkeriw ushın tiykar esaplanadı;
• kóshpes múlk obektleri hám qurılıs materialları boyınsha salıq bazası usı tovarlardıń bazar bahasınan kelip shıǵıp anıqlanadı;
• Ózbekstan aymaǵında fizikalıq táreplerge elektron tárizde xızmet kórsetiwshi hám tovarlar satıwshı sırt elli yuridikalıq tárepler salıq uyımında dizimnen ótpesten jumıs alıp barıp atırǵanı anıqlanıp, dizimnen ótkeriw haqqında xabarnama jiberilgennen keyin 30 kún ishinde dizimnen ótpese, bul yuridikalıq táreplerdiń Ózbekstandaǵı jumısı sheklenedi;
• kameral salıq tekseriwin ótkeriwde salıq uyımları anıqlaǵan ayırmashılıqtı tiykarlaw ushın salıq tólewshiler tárepinen qosımsha hújjetler usınılǵanda salıq uyımları tárepinen olardıń kórip shıǵılıwı májbúriy esaplanadı,- dep málimleme beredi xabar.uz saytı.

Qaraqalpaqstan xabar agentligi