Paragvay Respublikası Prezidenti Santyago Penya 11-13-dekabr kúnleri rásmiy sapar menen mámleketimizde boladı.
Sapar baǵdarlamasına muwapıq, Tashkentte bolıp ótetuǵın joqarı dárejedegi sóylesiwlerde Ózbekstan menen Paragvay arasında siyasiy, sawda-ekonomikalıq, mádeniy hám gumanitarlıq tarawlardaǵı birge islesiwdi rawajlandırıw perspektivaların dodalaw rejelestirilgen.
Awıl xojalıǵı, azıq-awqat hám ximiya sanaatı, sanlastırıw, turizm hám sport tarawlarında ámeliy sheriklikti ornatıwǵa ayrıqsha itibar qaratıladı.
Paragvay jetekshisi, sonday-aq, Xalıqaralıq avtomobil federaciyası Bas assambleyasında hám federaciya qáwenderliginde ótkeriletuǵın jarıslardıń jeńimpazların sıylıqlaw máresiminde qatnasadı.

ÓzA