Kegeyli rayonı hákimi A.Kamalov hám rayon prokurorı I.Abdullaevlar tárepinen Ózbekstan Respublikası Prezidentiniń 2024-jıl 25-noyabrdegi “Kámbaǵallıqtan abadanlıqqa qaray” baǵdarlamasın ámelge asırıwda belsendi nuranıylardı qamtıp alıw ilajlar haqqında “ǵı 405-sanlı qararı hám Qaraqalpaqstan Respublikası Joqarǵı Keńesiniń baslaması menen respublikamız boylap ótkerilip atırǵan «Mehir háreketi» sheńberinde qayırqomlıq ilajı ótkerildi.
Ótkerilgen qayırqomlıq ilajı sheńberinde «Nuranıy» qorı rayonlıq bólimi hám «Insan» sociallıq xızmetler orayları menen birgelikte rayondaǵı sociallıq járdemge mútáj qatlamdı qollap-quwatlaw maqsetinde 65 shańaraqqa járdemler kórsetildi.
Atap aytqanda, rayon hákimi hám aymaqtaǵı juwapker basshılar tárepinen sociallıq qollap-quwatlawǵa mútáj shańaraqlardıń perzentleri ushın sabaqlıq dápterleri, oqıw quralları, kiyim-kenshekler hám stol-stullar tapsırıldı.
Kegeyli rayonında ámelge asırılǵan bul háreketler xalıqtı sociallıq qorǵaw, jas áwladtıń bilim alıwına qolaylı sharayatlar jaratıp beriwge qaratılǵan ilajlardıń ámeldegi kórinisi boldı desek boladı.

Adilbay Orazov,
Qaraqalpaqstan xabar agentligi sholıwshısı