Ózbekstan Respublikası Prezidenti Shavkat Mirziyoev 6-dekabr kúni bolıp ótken telefon arqalı sóylesiwde Qırǵız Respublikası Prezidenti Sadir Japarovtı tuwılǵan kúni menen qızǵın qutlıqlap, oǵan bekkem densawlıq, abadanlıq hám tuwısqan Qırǵızstan xalqına turaqlı rawajlanıw tiledi.

Ózbekstan menen Qırǵızstan arasındaǵı strategiyalıq sheriklik, doslıq hám jaqsı qońsıshılıq qatnasıqların bunnan bılay da bekkemlewdiń ámeliy tárepleri dodalandı.
Keyingi jıllarda eki tárepleme birge islesiwde erisilgen jetiskenlikler ayrıqsha qanaatlanıwshılıq penen atap ótildi. Barlıq dárejedegi baylanıslar dawam etpekte. Tovar almasıw hám júk tasıw kólemi turaqlı ósip barmaqta. Ekonomikanıń tiykarǵı tarmaqlarında birgeliktegi joybarlar ámelge asırılmaqta. Jedel mádeniy-gumanitarlıq hám aymaqlararalıq almasıwlar alıp barılmaqta.
Iri strategiyalıq joybarlar, sonıń ishinde, “Ózbekstan – Qırǵızstan – Qıtay” temir jolı hám Qambarata GES-1 qurılısı sheńberindegi jumıslar dawam etpekte.
Jetekshiler regionallıq áhmiyetke iye aktual máselelerdi de kórip shıqtı.

ÓzA