Ózbekstan Respublikası Prezidenti Shavkat Mirziyoev Ózbekstan Respublikası Konstituciyası qabıl etilgeniniń 33 jıllıǵı múnásibeti menen mámleketimiz tárepinen alıp barılıp atırǵan insanıylıq siyasatınıń ámeliy tastıyıǵı sıpatında “Jaza múddetin ótep atırǵan, qılmısına shın kewilden pushayman bolǵan hám dúzeliw jolına bekkem ótken bir topar shaxslardı ápiw etiw haqqında”ǵı Pármanǵa qol qoydı.

Pármanǵa muwapıq, Ózbekstan Respublikası Konstituciyasınıń 109-statyası 23-bántine tiykarlanıp jaza múddetin ótep atırǵan jáne qılmısına shın kewilden pushayman bolǵan hám dúzeliw jolına bekkem ótken 615 shaxs ápiw etildi.
Ápiw etilgen shaxslardıń 220 sı tiykarǵı jazadan tolıq azat etildi, 123 si jazanı ótewden múddetinen aldın shártli azat etildi, 97 siniń erkinen ayırıw jazası jeńilirek jaza menen almastırıldı. Sonday-aq, 175 shaxsqa tayınlanǵan erkinen ayırıw jazasınıń múddetleri qısqartıldı.
Ápiw etilgenlerdiń 9 ın sırt el puqaraları, 29 ın hayal-qızlar, 23 in 60 jastan asqan er adamlar, 264 in jaslar (sonnan, 2 ewi jas óspirim) jáne 9 ın qadaǵan etilgen shólkemlerdiń jumısında qatnasqan shaxslar quraydı.
Pármannıń orınlanıwı boyınsha ápiw etilgen shaxslardı shańaraǵı hám jaqınlarınıń qushaǵına qaytarıw, sociallıq turmısqa beyimlesip, paydalı miynet penen shuǵıllanıwı, salamat turmıs tárizin jolǵa qoyıp, jámiyette múnásip orın tabıwı ushın olarǵa járdem beriw boyınsha juwapker ministrlikler hám uyımlarǵa tiyisli tapsırmalar berildi.

ÓzA