Joqarı bilimlendiriw mákemelerinde Joqarı bilimlendiriw, ilim hám innovaciyalar ministrliginiń tiyisli buyrıǵına muwapıq, joqarı, orta arnawlı hám professional bilimlendiriw shólkemleri (mámleketlik, mámleketlik emes hám sırt el) hám akademiyalıq liceyler studentleri jáne oqıwshılarınıń bıyılǵı oqıw jılı ushın qısqı dem alıs múddeti belgilendi.

Oǵan bola, qısqı dem alıs 2025-jıl 28-dekabrden baslanıp, 2026-jıl 10-yanvarǵa shekem dawam etedi.
Student hám oqıwshılardıń qısqı dem alıs dáwirinde turaqlı jasaw aymaqlarına (Qaraqalpaqstan Respublikası, wálayatlar hám Tashkent qalasına) barıp-keliwin qolaylastırıw maqsetinde Transport ministrligi, “Ózbekstan temir jolları” AJ hám “Uzbekistan Airways” AJ menen birgelikte qosımsha imkaniyatlar jaratıladı.
Soǵan muwapıq, 2025-jıl 18-dekabrden 2026-jıl 12-yanvarǵa shekem (sol kúni de) studentler hám oqıwshılar ushın 50 procent shegirme tiykarında jol biletleri satılıwı jolǵa qoyıladı.

Hamroz Bayanov,
ÓzAnıń xabarshısı