Ózbekstan Respublikası Prezidenti Shavkat Mirziyoev Ázerbayjan Respublikası energetika ministri Parviz Shaxbozovtı qabılladı.

Ushırasıw aldınan joqarı mártebeli miyman mámleketimiz basshısına Ázerbayjan Prezidenti Ilham Alievtiń qızǵın sálemi hám jaqsı tileklerin jetkerdi.
Ózbekstan – Ázerbayjan strategiyalıq sherikligi hám awqamlaslıǵın jáne de keńeytiw hám tereńlestiriw máseleleri dodalandı.
Barlıq dárejelerdegi baylanıslar jedel ekeni, tovar almasıw turaqlı ósip atırǵanı hám energetika tarawında tabıslı birge islesip atırǵanı qanaatlanıwshılıq penen atap ótildi.
Neft hám gaz tarawı, geologiyalıq-izlew jumısları, “jasıl” energetikanı rawajlandırıw hám ximiya sanaatında birgeliktegi joybarlardı alǵa qoyıw áhmiyetli ekenligi atap ótildi.

ÓzA