Qaraózek rayonlıq «Insan» sociallıq xızmetler orayında «Basım hám zorlıqqa qarsı 16 kún» akciyası sheńberinde ilaj shólkemlestirildi.

Oǵan Qaraqalpaqstan Respublikası Prokuraturasınıń bólim prokurorı L. Seytova, rayon hákiminiń orınbasarı, shańaraq hám hayal-qızlar bólimi baslıǵı R. Sagıydullaeva, psixologlar hám awıl puqaralar jıyınlarındaǵı hayal-qızlar belsendileri qatnastı.
Ilaj dawamında, hayal-qızlar hám balalardıń huqıqların, erkinliklerin jáne nızamlı máplerin isenimli qorǵaw, hayal-qızlardıń mashqalaların turaqlı úyreniw, tiyisli uyımlar menen birge islesiwdi bunnan bılay da bekkemlew boyınsha taraw wákilleri tárepinen keń túrde túsinikler berilip, qatnasıwshılar óz sorawlarına juwaplar aldı.
Sonday-aq, usı kúni «Ǵárezsizlik gúzarı» mákan puqaralar jıyınındaǵı «Kámbaǵallıq reestr»ine ǵa kirgizilgen shańaraqlardıń jaǵdaylarınan xabar alınıp, jumıssız hayal-qızlardıń bántligin támiyinlew boyınsha usınıslar berildi.

Qaraqalpaqstan xabar agentligi