Rossiyada “Apple” kompaniyasınıń “FaceTime” videoqońıraw xızmetiniń jumısı sheklendi, dep xabar bermekte “DW” basılımı.

“Roskomnadzor” qosımshanıń bloklanıwın aldawshılar onnan jınayıy maqsetlerde paydalanıp atırǵanı menen túsindirdi.
“FaceTime” arqalı “iPhone”, “iPad” hám “Mac” paydalanıwshıları internetke jalǵanǵan halda biypul videoqońırawlardı ámelge asırıwı múmkin. RFda servis jumısındaǵı dáslepki ǵalabalıq úzilisler haqqındaǵı shaǵımlar oktyabr ayınıń ortalarında payda bolǵan edi.
Qánigelerdiń pikirinshe, sheklewlerdiń keńeyiwi paydalanıwshılardı turaqlı túrde basqa serverler yamasa qosımshalarǵa ótiwge májbúr etpekte.

D.Hakimov, ÓzA