Mekteplerde qısqı dem alıs 28-dekabrden baslanadı. Bul haqqında Mektepke shekemgi hám mektep bilimlendiriwi ministrligi xabar berdi.

Húkimettiń 2017-jıl 15-marttaǵı 140-sanlı qararına muwapıq, 2025-2026-oqıw jılında ulıwma orta bilim beriw mektepleriniń oqıwshıları ushın qısqı dem alıs 28-dekabrden (baslawısh 1-4-klasslarda 27-dekabr – shembi kúninen) baslanadı.
Dem alıs 2026-jıl 10-yanvarǵa shekem (14 kalendar kún) dawam etedi.
2026-jıl 11-yanvar ekshembi dem alıs kúnine tuwrı keliwi sebepli, III sherek sabaqları 2026-jıl 12-yanvardan baslanadı.
Esletip ótemiz, gúzgi dem alıs 10-noyabr kúni juwmaqlanǵan edi.

Qaraqalpaqstan xabar agentligi