Prezident Shavkat Mirziyoevtiń qatnasıwında Xalıq deputatları Sırdárya wálayatı Keńesiniń gezeksiz sessiyası bolıp ótpekte.

Sırdárya rayonında kelesi jılı qıtaylı sherikler menen avtomobil islep shıǵarıw boyınsha 122 million dollarlıq joybar iske qosıladı.
Jaqında Qazaqstan menen Sırdárya rayonındaǵı Oraylıq Aziya xalıqaralıq sanaat kooperaciyası orayına start berildi.
Bul oray aymaǵında 300 million dollarlıq 14 sanaat kárxanası kelesi jıldıń 1-shereginiń juwmaǵında jumıs baslaydı, 2026-jılı jáne 720 million dollarlıq 40 jańa joybarlar jaylastırıladı.
Ótken jılı qıytaq jerdi iske qosıw, kishi sanaat hám servis arqalı adamlardıń dáramatın arttırıw boyınsha jańasha jumıs sisteması Sayxunabadtan baslanǵan edi.
Rayondaǵı 13 mıń shańaraqta qıytaq jerden nátiyjeli paydalanıw esabınan aylıq dáramat bir neshe esege kóbeydi. Máhállelerdegi 1,8 mıń shańaraqta 5-6 sotıxlı, jáne 622 sinde 2-3 sotıxlı ıssıxanalar qurıldı. Bir yarım jılda 700 jańa isbilermen jumıs basladı, 15 mıń jumıssız turaqlı dáramatqa iye boldı, 1,5 mıń shańaraq kámbaǵallıqtan shıqtı.
– Islese boladı eken! Mine, eń “awır” rayonlardan biri bolǵan Sayxunabadta búgin turmıs, adamlardıń keypiyatı qanday ózgergenine gúwa bolıp atırsız, – dedi Prezidentimiz.

ÓzA