«1-dekabr — Qaraqalpaq tiline mámleketlik til biyligi berilgenniń 36 jıllıǵı, 8-dekabr — Ózbekstan Respublikası Konstituciyası qabıl etilgen kún múnásibeti menen Qaraqalpaqstan Respublikası Qurılıs hám úy-jay kommunal xojalıǵı ministrliginde tarawda jumıs islep atırǵan xızmetkerler arasında ruwxıy-aǵartıwshılıq “Quiz test” tańlawı shólkemlestirildi.
Ilaj dawamında qatnasıwshılarǵa qaraqalpaq tiliniń respublikamız turmısında tutqan ornı, búgingi kúndegi áhmiyeti, onıń jámiyetlik rawajlanıwdaǵı xızmeti haqqında mazmunlı maǵlıwmatlar berildi. Xızmetkerler mámleketlik tildiń qollanılıw sheńberi, rásmiy hújjetlerde durıs paydalanıwı hám til mádeniyatı boyınsha berilgen sorawlarǵa juwaplar berdi.
Sonday-aq, “Quiz test” tiń ekinshi basqıshında bolsa, Ózbekstan Respublikası Konstituciyası qabıl etilgeniniń 33 jıllıǵına baǵıshlandı. Onda qatnasıwshılar Bas Nızamımızdaǵı puqaralardıń huqıqları, mámleketlik qurılıs, nızam ústinligi sıyaqlı temalarda óz bilimlerin sınaqtan ótkerip, belgilengen waqıt aralıǵında barlıq qatnasıwshılar berilgen sorawlarǵa juwap berip, óziniń huqıqıy sawatlılıq dárejesin kórsetti.
Ilaj sońında jeńimpaz hám sıylı orın iyeleri shólkemlestiriwshiler tárepinen diplom hám estelik sawǵaları menen sıylıqlandı.

Adilbay Orazov,
Qaraqalpaqstan xabar agentligi sholıwshı