Házirgi waqıtta Tashkent hám mámlekettiń bir qatar aymaqlarında baqlanıp atırǵan hawa pataslanıwına qarsı gúresiw boyınsha barlıq juwapker strukturalar mobilizaciyalanǵan.

Prezident Administraciyası basshısı Saida Mirziyoevanıń málim etiwinshe, dúzilgen Arnawlı komissiya tárepinen bir qatar reydler ótkerilip, ekologiyalıq nızambuzıwshılıqqa jol qoyǵan shaxs hám shólkemlerge qatań sharalar kórilmekte.
Májiliste komissiya jumısınıń dáslepki nátiyjeleri dodalanıp, hákimlikler hám uyımlardıń basshıları esabat berdi. Administraciya basshısı qabıl etilip atırǵan qararlar keleshekte bunday jaǵdaylardıń aldın alıwǵa xızmet etiwi kerek ekenligin atap ótti.
“Millet salamatlıǵı ekinshi dárejeli másele bolıwı múmkin emes – taza hawa, suw hám salamat ekologiyalıq ortalıq ushın gúres aldımızda turǵan eń tiykarǵı wazıypalardan biri,” deydi S.Mirziyoeva.

ÓzA